aztb.info
http://aztb.info
aztb.info

DYP hansı məktəblərin yollarda tıxaca səbəb olduğunu açıqlayıb - SİYAHI

1-10-2021, 11:51 20 dəfə baxılıb

DYP hansı məktəblərin yollarda tıxaca səbəb olduğunu açıqlayıb - SİYAHI


“Bakı Şəhər Dövlət Yol Polis İdarəsi tərəfindən şəhərdə sıxlıq və tıxacların qarşısının alınması məqsədi ilə əvvəlcədən geniş məlumat verməyimizə baxmayaraq müxtəlif şəxslər eyni növ qayda pozuntuları törədirlər”.

Bunu "Report"a açıqlamasında Bakı Şəhər Baş Polis İdarəsinin Dövlət Yol Polisi (DYP) İdarəsinin baş inspektoru, polis mayoru Araz Əsgərli deyib.

DYP rəsmisi qarşısında sıxlıq və tıxacların yarandığı məktəblərin siyahısını açıqlayıb: “Konkert olaraq insident olan Bakıxanov istiqamətində yerləşən 60 nömrəli tam orta məktəb, 28 May küçəsindəki 23 nömrəli tam orta məktəb, Əliyar Əliyev küçəsindəki "Modern Təhsil Kompleksi" və Ziya Bünyadov prospektindəki "İdrak" liseyinin rəhbərliyindən xahiş edirik ki, şagirlərlə profilaktik danışıqlar aparılsın. Yol bağlanır, narazılıqlar yaranır. Əgər parklama üçün yer yoxdursa, bu, məktəblər tikiləndə nəzərə alınardı. Məktəblər uşaqları tez qəbul etsinlər, avtobuslar təşkil etsinlər. Dövlət məktəblərində də valideynlər maşınları məktəbin düz qarşısında saxlamasınlar. Müəyyən ərazidə saxlayıb, piyada gəlsinlər. Bu hallar avtomobili yolun ortasında saxlamaq üçün bəhanə olmamalıdır. Polisdən soruşurlar ki, yolda niyə sıxlıq var? Biz də sıxlığı aradan qaldırmalıyıq. 60 il bundan qabaq həmin məktəbi yolun kənarında tikiblər. Camaat gəlib orada da yolun ortasında maşınlarını saxlayır. Bu da bizim üçün səbəb deyil, bəhanədir. Əziyyət çəkib maşınları kənar hissələrdə saxlayaraq məktəblərə piyada gəlsinlər. İnsanlarda ictimai məsuliyyət hissi olmalıdır.

Mütəmadi olaraq hərəkəti iflic edən bu cü məktəb və univeristetlərin adını ictimailəşdirəcəyik ki, bu problemin mahiyyətini insanlar görsün”.





Smiley face

Mətndə səhv var? Onu siçanla seçin və Ctrl+Enter düyməsini basın.
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA
«    Ekim 2021    »
PtSaÇaPrCuCtPz
 123
45678910
11121314151617
18192021222324
25262728293031